Құрметті Ата-аналар! №93 «Айгөлек» балабақшасы мемлекеттік коммуналдық қазыналық кәсіпорнына қош келдіңіздер! Балабақша 2017 жылы ашылған, жобалық қуаттылығы 293 балаға арналған, 10 қазақ тобы, 2 орыс тобы ашылған. Балаларға тәрбиеші-педагогтар, тәрбиеші көмекшілері, қазақ тілі, орыс тілі, музыка, дене шынықтыру, психолог, логопед-дефектолог мамандары, медбике, диетбике, балалар дәрігері саналы тәрбие мен сапалы білім беріп, салауатты өмір салтын сақтап, өмір қауіпсіздігі мен денсаулықтарын сақтауға жұмыс жасауда. Балабақшаның мақсаты: Ата-аналар мен педагогтар балабақшаның тәрбие процесіне атсалысатын ашық мектепке дейінгі ұйымның жаңа моделін құру. Мектеп жасына дейінгі балалардың шығармашылық қабілеттерін дамыту, балабақшада көркемдік – эстетикалық өнер әлеміне жағдай жасау. «Ата-ана – бала - тәрбиеші» байланысын, тығыз қарым-қатынасын сақтау. Балалардың көркемдік эстетикалық бағыт негізінде өнер әлеміне деген махаббаттарын жандандыру.